Ички ишлар вазирлиги диний масалаларни ёритишда қонунчилик чегараларидан чиқмасликка чақиради. Бу ҳақда вазирлик матбуот хизмати хабар берди.
Баёнотга кўра, сўнгги пайтларда диний ва радикал мавзуларда алоҳида эътибор талаб қилинадиган хабарлар пайдо бўлди. Хусусан, Конституциядан «ҳукуматда дунёвийлик» тушунчасини олиб ташлаш тўғрисидаги таклифлар қизғин муҳокама қилинаётгани ва жамоатчиликда турли фикрлар пайдо бўлаётгани қайд этилди.
«Шу муносабат билан Вазирлик аҳолини радикаллаштиришга уринаётган материалларга эътибор қаратилиши шарт. Ички ишлар вазирлиги фуқароларни, диний ва жамоат арбобларини ушбу масалани муҳокама қилишда айниқса эҳтиёт бўлишга, аҳолини безовта қилмасликка ва қонун доирасидан чиқмасликка чақиради», дейилади хабарда.
Диний адоватни қўзғатмоқчи бўлганларга қонуний чоралар кўрилиши ҳақида огоҳлантирилди.
